Stafi i Klinikës "Ungjillëzimi" takohet me Mitropolitin e Korçës Anastas
Takimi nënvizoi lidhjen mes shërbimit shëndetësor dhe misionit shpirtëror, ndërkohë që klinika ka funksionuar për mbi 20 vjet si vepër bamirëse e Kishës.
Stafi i Klinikës Orthodhokse "Ungjillëzimi" në Tiranë zhvilloi kohët e fundit një takim me Hirësinë e Tij, Mitropolitin e Korçës Anastas. Mitropoliti i mirëpriti stafin me përzemërsi dhe shprehu gatishmëri të plotë për të diskutuar çdo çështje që lidhet me punën, shërbimin dhe misionin e tyre.
Klinika Orthodhokse "Ungjillëzimi" është një vepër e Kishës Orthodhokse e themeluar në vitin 1998, nën kujdesin e drejtpërdrejtë të Kryepiskopit Anastas dhe me fondet e siguruara prej tij. Për mbi dy dekada, ajo ka ofruar shërbime diagnostikimi, laboratorike dhe farmaci — duke u shpërndarë barna falas njerëzve në nevojë, pa dallim feje apo prejardhje.
Klinika është pjesë e Fondacionit "Klinikat Orthodhokse të Ungjillëzimit" dhe ka në funksion edhe kirurgji okulistike, ku kryhen ndërhyrje me teknika bashkëkohore, të ngjashme me ato të vendeve të zhvilluara. Shërbimi mjekësor mbështetet nga ndihmeshmëria e besimtarëve që kanë besim te Kisha Orthodhokse.
Mitropoliti Anastas u zgjodh Mitropolit i Korçës më 16 shtator 2025 nga Sinodi i Shenjtë, nën drejtimin e Fortlumturisë së Tij, Kryepiskopit Joan. I lindur në Vlorë në vitin 1979, ai ka formim akademik dhe shpirtëror me studime në Athinë dhe në Universitetin e Vlorës, si edhe përvojë drejtuese në institucione arsimore e shoqërore të Kishës.
Takimi i stafit me Mitropolitin Anastas nënvizoi edhe një herë lidhjen e ngushtë mes shërbimit shëndetësor dhe misionit shpirtëror të Kishës Orthodhokse.
Siç kishte raportuar UGO, Mitropoliti Anastas është vazhdimisht i pranishëm në jetën kishtare dhe shoqërore të Shqipërisë; pak kohë më parë, vëmendja u përqendrua mbi
