Pjesëmarrja e Kryepiskopit Joan në ceremoninë mortore të Patriarkut Ilia II në Tbilisi
Mesazhe uniteti dhe lidhjeje vëllazërore ndërmjet Kishave Orthodhokse gjatë Liturgjisë dhe Shërbesës së Varrimit në Katedralen e Shën Triadhës
Fortlumturia e Tij, Joani, Kryepiskop i Tiranës, Durrësit dhe i Gjithë Shqipërisë, ishte i pranishëm në Liturgjinë Hyjnore të mbajtur në Katedralen e Shën Triadhës në Tbilisi.
Pas Liturgjisë Hyjnore u krye Shërbesa e Varrimit, e cila u kryesua nga Patriarku Ekumenik, Bartholomeu dhe anëtarët e Sinodit lokal.
Fortlumturia e Tij, u takua me Patriarkun Ekumenik, Bartholomeun, si dhe me të gjitha delegacionet e Kishave të tjera Orthodhokse të pranishëm në këtë ceremoni.
Prania e Fortlumturisë së Tij për të nderuar Patrikun e ndjerë Ilia II, shpreh lidhjen vëllazërore midis Kishës Orthodhokse Autoqefale të Shqipërisë dhe Patriarkanës Orthodhokse të Gjeorgjisë.
Kisha Orthodhokse Autoqefale e Shqipërisë
