Homazhe për Ilia II: Mijëra besimtarë ditë e natë në Katedralen e Shën Trinisë

Pamje prekëse vijnë nga Tbilisi: radhë të pafundme besimtarësh dhe lutje të pandërprera për Patriarkun Ilia II. Policia dhe kleri ndodhen në gatishmëri të vazhdueshme për organizimin e homazheve.

Lamtumira për Patriarkun Ilia II vazhdon në Katedralen e Shën Triadhes në Tbilisi, sipas Unionit të Gazetarëve Ortodoksë të Gjeorgjisë.

Që nga orët e para të mëngjesit deri vonë në mbrëmje, mijëra njerëz vijnë pa ndërprerje në katedrale. Fluksi i besimtarëve vazhdon ditë e natë. Edhe në orën 04:00 të mëngjesit, radhë të gjata qëndrojnë jashtë katedrales — mes tyre shihen edhe familje me fëmijë që kanë ardhur për të bërë nderimet e fundit.

Lëvizja e qytetarëve organizohet gjatë gjithë 24 orëve, ndërsa prania e shtuar e policisë garanton rendin në zonën përreth katedrales. Pavarësisht numrit të madh të njerëzve, situata mbetet e qetë.

Brenda katedrales, lutjet zhvillohen pa ndërprerje. Kori i kishës psal, ndërsa klerikët ndërrohen pranë arkivolit të Patriarkut. Mijëra besimtarë kalojnë në një rrjedhë të pandërprerë për t’i dhënë lamtumirën Kryepeshkopit të tyre.

Ekipet e urgjencës dhe ambulancat ndodhen në gatishmëri të vazhdueshme pranë katedrales.

Atmosfera është veçanërisht e fortë: radhë të gjata njerëzish, por një heshtje e thellë mbizotëron — lamtumira jepet me lutje.