Varrimi i Patriarkut Ilia II do të mbahet më 22 mars

Varrimi i Patriarkut të Gjeorgjisë, Ilia II, do të mbahet të dielën, më 22 mars, në Katedralen Patriarkale të Fjetjes së Hyjlindëses së Sionit në Tbilisi.

Sipas informacioneve paraprake nga burime pranë redaksisë së Unionit të Gazetarëve Ortodoksë (UOJ) në Gjeorgji, ceremonia mortore e Patriarkut Ilia II është planifikuar për këtë datë.

Megjithatë, deri në këtë moment, data nuk është konfirmuar zyrtarisht nga Patriarkana e Gjeorgjisë. Pritet që njoftimet zyrtare përfundimtare mbi datën dhe mënyrën e zhvillimit të ceremonisë të publikohen pas përfundimit të mbledhjes së Sinodit të Shenjtë.

Trupi i Patriarkut të ndjerë do të vendoset për homazhe publike në Katedralen e Shën Trinisë në Tbilisi.