Mesazhi i fundit i Patriarkut Ilia II për popullin Gjeorgjian
“Bijtë e mi shpirtërorë, ju lutem më falni edhe mua për mëkatet dhe dobësitë e mia.”
Zbatimi i këtij agjërimi është i domosdoshëm për të gjithë ata që e konsiderojnë veten ortodoksë (nuk i referohem atyre që kanë probleme serioze shëndetësore), në mënyrë që, sipas forcave tona, të mund të përgatitemi denjësisht për të kremtuar ditën e madhe të Ngjalljes së Shpëtimtarit.
Harroni ankesat mes jush, pajtohuni me ata që ju kanë fyer ose që i keni fyer, mos iu përgjigjni atyre që ju përgojojnë, forconi lutjet tuaja duke thënë vazhdimisht lutjen “Zot Jezu Krisht, mëshirona mua”, si edhe Psalmin 50 (“Mëshiro, o Perëndi…”). Forconi veten me rrëfim dhe Kungim të Shenjtë çdo javë dhe vishuni me dashuri, paqe dhe mirësi.
Uroj që Zoti të bekojë secilin prej jush, të falë mëkatet tuaja dhe t’ju japë forcë që të quheni bij dhe bija besnikë të Perëndisë.
Bijtë e mi shpirtërorë, ju lutem më falni edhe mua për mëkatet dhe dobësitë e mia.
Lutem gjithmonë për ju,
Ilia II, Patriark i gjithë Gjeorgjisë
22.02.2026
Sipas informacioneve, ceremonia mortore e Patriarkut të Gjeorgjisë pritet të zhvillohet më 22 mars nga Katedralja e Shën Trinisë dhe do të transmetohet. Më pas, ai do të varroset në Katedralen historike të Fjetjes së Hyjlindëses në Sioni, sipas dëshirës së tij.
Dega e UOJ në Gjeorgji publikoi këtë mesazh të fundit prekës të Patriarkut Ilia II me rastin e fillimit të Kreshmës së Madhe:
“Ka ardhur koha për fillimin e Kreshmës së Madhe...
Kjo është periudha më e veçantë e vitit – një kohë 40-ditore e mbushur me pikëllim, pendesë, mirënjohje dhe, njëkohësisht, shpresë, së cilës i shtohet edhe Java e Madhe.”
