Meshë Arkierike me tre hierarkë u kremtua për Shën Kozmain në Kolkondash
Tre hierarkë të Kishës Ortodokse drejtuan liturgjinë hyjnore dhe litaninë e lipsanit të Shenjtorit në manastirin ku ai u varros pas martirizimit.
Kremtimi i Shën Kozmait u shënua me një meshë Arkierike solemne në Manastirin e tij në Kolkondash të Beratit. UGO ndoqi ngjarjen me të dërguarit e saj drejtpërdrejt në vendngjarje, ku besimtarë të shumtë ishin mbledhur që nga pasditja e së shtunës.
Meshën Hyjnore e kryesuan Mitropoliti i Beratit z. Asti, Mitropoliti i Apolonisë dhe Fierit z. Nikolla, si dhe Episkopi i Amantias z. Ignat, të shoqëruar nga klerikë të Kryepiskopatës dhe të mitropolive përkatëse. Në këtë manastir gjendet varri ku u vendos trupi i shenjtorit pas gjetjes së trupit të tij. Pas liturgjisë u zhvillua litania e Lipsanit të Shenjtorit dhe e ikonës së tij nëpër oborrin e manastirit.
Që nga pasditja e së shtunës e deri të dielën, qindra besimtarë nga zona përreth dhe më gjerë vizituan manastirin me shpresëtari e respekt, duke iu lutur para lipsanit dhe varrit të Shën Kozmait dhe duke kërkuar ndërmjetësimet e tij.
Kjo nuk është hera e parë që Kisha Ortodokse në Shqipëri organizon ceremoni të mëdha për nder të Shën Kozmait; kohët e fundit vëmendja kishte rënë edhe mbi kremtimin e tij në një tjetër qendër fetare të vendit.
FOTO UGO dhe Mitropolia e Apolonisë dhe Fierit
