Patriarku Vartholome, Patriarku Teodor dhe Kryepiskopi Joan vizitojnë Imvrosin

Patriarku Ekumenik Vartholomeu, Papa dhe Patriarku i Aleksandrisë Teodori II dhe Kryepiskopi i Tiranës, Durrësit dhe gjithë Shqipërisë, Joani, zhvilluan një vizitë të përbashkët në ishullin e Imvrosit.

Fotografitë e publikuara nga Patriarkana Ekumenike paraqesin tre krerët kishtarë gjatë udhëtimit me anije drejt ishullit, si dhe në Katedralen Mitropolitane të Hyjlindëses, në qendrën e Imvrosit. Vizita në katedrale u zhvillua në orët e vona të pasdites së të martës.

Të mërkurën në mëngjes, më 12 gusht, Patriarku Bartolomeu, Patriarku Teodori dhe Kryepiskopi Joan vizituan muzeun e vogël kushtuar jetës dhe shërbesës së Patriarkut Ekumenik.

Ata u ndalën gjithashtu në kafenenë-berberhane që dikur i përkiste të atit të ndjerë të Patriarkut Vartholome. Ky vend ruan kujtime nga jeta e familjes së Patriarkut në ishullin e tij të lindjes.

Fotografitë e vizitës janë realizuar nga Nikos Papahristu dhe janë publikuar në faqen zyrtare të Patriarkanës Ekumenike.