Hapen regjistrimet për kampin veror të të rinjve
Të rinj nga 18 deri në 30 vjeç ftohen të marrin pjesë në kampin veror që do të zhvillohet në Boboshticë dhe Voskopojë
Kisha Orthodhokse Autoqefale e Shqipërisë shpalli periudhën e Kampit III Veror për të rinjtë dhe të rejat e moshës 18–30 vjeç.
Kampi do të zhvillohet nga data 23 deri më 31 korrik 2026, në vendet e bekuara të Mitropolisë së Shenjtë të Korçës.
Veprimtaria organizohet me bekimin e Kryepiskopit të Tiranës, Durrësit dhe të gjithë Shqipërisë, Fortlumturisë së Tij Imzot Joanit, dhe nën kujdesin e Mitropolitit të Korçës, Hirësisë së Tij Imzot Anastas.
Për vajzat, kampi do të zhvillohet në Manastirin “Fjetja e Hyjlindëses Mari” në Boboshticë. Për djemtë, në Manastirin e “Shën Joan Prodhromit” në Voskopojë.
Gjatë tetë ditëve të kampit, pjesëmarrësit do të kenë mundësi të jetojnë një përvojë të përbashkët lutjeje, mësimi dhe bashkësie shpirtërore. Programi përfshin lutje të përbashkëta, agripni, Liturgji Hyjnore, tema shpirtërore, biseda, dëshmi, ndarje përvojash, pelegrinazhe dhe vizita në kishat e Mitropolisë së Korçës.
Kampet verore të Kishës janë një mundësi për të rinjtë që të forcojnë lidhjen me Krishtin, të njohin më thellë jetën e Kishës dhe të ndërtojnë miqësi të pastra të krishtera.
Numri i pjesëmarrësve është i kufizuar dhe regjistrimet janë të hapura.
Për vajzat: +355 69 887 0899
Për djemtë: +355 68 203 6121
Burimi: Kisha Orthodhokse Autoqefale e Shqipërisë.
