Besimtarët ortodoksë në Shqipëri në Stancën e Katërt të Himnit Akathist
Kështjellë e virgjëreshave je, o Hyjlindëse Virgjëreshë, dhe e gjithë atyre që përikin tek ti; se Ai që bëri qiellin dhe tokën të bëri, o e Kulluar, duke banuar në mitrën tënde dhe duke i mësuar të gjithë të të thërrasin
Me përkushtim, besimtarët ortodoksë në Shqipëri morën pjesë në Stancën e Katërt të Himnit Akathist, nga Katedralja në Tiranë me praninë e Kryepeshkopit Joan, deri në të gjitha kishat e mitropolive të Korçës, Beratit dhe Gjirokastrës.
Me përkushtim të thellë, besimtarët ortodoksë në Shqipëri morën pjesë në shërbesën e Stancës së Katërt të Himnit Akathist. Nga Katedralja “Ngjallja e Krishtit” në Tiranë, me praninë e Kryepeshkopit Joan, deri në kishat e të gjitha mitropolive të vendit – në Korçë, Berat dhe Gjirokastër – u kremtua me përkushtim kjo shërbesë e veçantë kushtuar Hyjlindëses.
Në Fier, me praninë e Mitropolitit Nikola, shërbesa u zhvillua në kishën bizantine të Fjetjes së Hyjlindëses në fshatin Pojan. Kisha, e ndërtuar në shekullin XII–XIII, ndodhej brenda mureve të lashta të Apolonisë, duke dëshmuar vazhdimësinë historike dhe shpirtërore të krishterimit në këtë zonë.
