Kisha ortodokse kremton Lindjen e Joan Pagëzorit më 24 qershor
Profeti i fundit i Dhiatës së Vjetër dhe pararendësi i Krishtit nderohet sot gjatë Kreshmës së Apostujve, që zgjat nga 8 deri më 28 qershor.
Joan Pagëzori është një nga figurat më të mëdha të Shkrimit të Shenjtë — dëshmia e Krishtit dhe, sipas Ungjillit, "më i madhi ndër të lindurit prej grave". Sipas Radio "Ngjallja", kremtimi i Lindjes së tij shënohet çdo vit më 24 qershor, brenda periudhës së Kreshmës së Apostujve, e cila këtë vit zgjat nga 8 deri më 28 qershor.
Joani lindi nga Zaharia dhe Elisabeta, të cilët e pritën atë në moshë të thyer, pas një shfaqjeje hyjnore të kryeëngjëllit Gavriil në tempull. Zaharia, që shërbente si prift — ose sipas disa burimeve si kryeprift — nuk besoi menjëherë dhe humbi të folurin e të dëgjuarin deri në ditën e emërtimit të foshnjës. Kur shkroi "Joan është emri i tij", u shërua menjëherë dhe, i frymëzuar nga Shpirti i Shenjtë, shpalli himn profetik, të cilin tradita e quan profecia e fundit e Dhiatës së Vjetër dhe e para e Dhiatës së Re.
Joani veproi publikisht rreth vitit 29 pas Krishtit, duke predikuar pendimin pranë lumit Jordan dhe duke pagëzuar turmat si parapërgatitje për ardhjen e Mesisë. Ai jetoi si asket — vishte rroba qimesh dhe ushqehej me mjaltë e karkaleca — dhe u bë model shpirtëror për traditën monastike ortodokse. Joani qortoi hapur mëkatin e mbretit Herod Antipas për bashkëjetesën e tij me Herodiadën, u burgos për këtë shkak dhe u vra me urdhër të Herodit rreth vitit 32 pas Krishtit, kur vajza e Herodiadës, Salomeja, kërkoi kokën e tij si shpërblim.
Sot festojnë të gjithë besimtarët ortodoksë që mbajnë emrat Zaharia, Zakaria, Zaho, Zaku, Elisabeta, Elisa, Lisa, Beta e të tjerë të ngjashëm, në nderim të shenjtorëve Zahari e Elisabeta, prindërve të Joan Pagëzorit. Tradita ortodokse shton se emri Zahari kremtohet edhe më 5 shtator, ndërsa disa mbajtëse të emrit Elisabeta kremtojnë edhe më 24 prill, në nderim të shën Elisabetës Oshënare.
Në këtë ditë të bekuar në Kishën e Ungjillëzimit në Tiranë u mbajt një meshë festive nën udhëheqjen e Episkopit të Amantias Hirësi Igantit në bashkëmeshim me klerikë të KOASh-it.
Siç kishte raportuar UGO,
shënon fillimin e periudhës së agjërimit që i paraprin festës së Apostujve Pjetër dhe Pavël.
