Personaliteti i patriarkut të ndjerë Pavlos u keqpërdor përmes manipulimeve mediatike dhe politike
‘’Patriarku Pavli nuk donte që të derdhej gjak vëllazëror”.
Patriarkana Serbe po vazhdon me njoftimin e saj për rivendosjen e së vërtetës në lidhje me personalitetin e patriarkut të të Serbisë z. Pavlos, të cilin muajt e fundit qarqe dhe media të ndryshme në vend u përpoqën ta njollosin duke e përfshirë në lojëra politike gjatë viteve të turbullta të 90-së për Jugosllavinë.
Sipas deklaratës zyrtare nga Patriarkana Serbe, muajt e fundit nëpër disa media dhe rrjete sociale qarkullon një lajm i rremë se Patriarku i ndjerë Pavlos ka mbështetur dhe marrë pjesë në demonstratat e opozitës në vitin 1991. Si dëshmi për këtë shënjestrim është përdorur një audio incizim i shkurtër i fjalimit të tij drejtuar të mbledhurve në Terazije.
‘’Kushdo që e njihte Patriarkun Pavlos, dëgjonte predikimet e tij, lexonte intervista dhe tekste teologjike ose shikonte, për fat të keq, transmetimet e rralla të regjistruara me të, e di se çdo përfshirje politike, madje edhe më e buta, ishte absolutisht e pamundur në rastin e tij. Patriarku Pavlos ishte ekskluzivisht një Njeri i Ungjillit të Krishtit dhe çdo fjalë e tij vinte nga Ungjilli dhe çonte në të”, sqarohet nga Patriarkana Serbe. Në fakt, sqarohet se pikërisht për shkak se ishte udhëhequr nga parimet ungjillore, Patriarku Pavlos atëherë shkoi në Terazije për të bërë një apel dhe për të kërkuar që mbështetësit dhe studentët e opozitës të shpërndaheshin, pasi ishte paralajmëruar se ekzistonte rreziku që pjesëmarrësit në tubimin paralel pro regjimit në Ušce të përgatiteshin të përplaseshin me ata.
‘’Primati i Kishës Serbe në atë kohë donte vetëm të parandalonte derdhjen e gjakut vëllazëror, të pengonte serbët të sulmonin serbët dhe të parandalonte që fati tragjik i historisë sonë kombëtare të përsëritej për të shumtën herë”, thuhet në postim.
Duke e rikthyer realitetin dhe atë që kishte thënë atëherë Patriarku Pavlos, Patriarkana e Serbisë publikoi videon e atij fjalimi, në të cilën i bën thirrje turmës së mbledhur të shpërndahet për të mirën e të gjithëve:
