Kreshma e Apostujve fillon më 16 qershor 2026
Periudha e kreshmës ortodokse zgjat deri më 28 qershor, duke përfunduar me festën e Apostujve Petro dhe Pavlit.
Kisha Orthodhokse fillon të hënën, më 16 qershor 2026, kreshmën e Apostujve, Kreshma do të zgjasë nga e hëna, 16 qershor, deri të shtunën, 28 qershor, duke përfshirë edhe atë ditë.
Periudha kreshmuese fillon gjithnjë nga e hëna pas së kremtes së Gjithë Shenjtorëve dhe mbaron pikërisht ditën para festës së Apostujve Petro dhe Pavlit, e cila bie më 29 qershor. Në atë ditë kreshma nuk zbatohet.
Sipas rregullave të praktikës orthodhokse, gjatë kësaj periudhe lejohet ngrënia e perimeve, frutave, frutave të detit, verës dhe vajit të ullirit. Peshku është i lejuar çdo ditë, me përjashtim të së mërkurës dhe të premtes. Ndalohet ngrënia e mishit dhe produkteve të tij, si dhe e produkteve të bulmetit dhe vezëve. Vaji dhe vera mund të kufizohen sipas udhëzimeve të atit shpirtëror.
Kreshma, sipas mësimit orthodhoks, nuk është qëllim në vetvete, por mjet për lartësim shpirtëror. Agjërimi bashkon pjesën materiale të trupit me adhurimin e Perëndisë: duke kreshmuar nga ushqimet dhe mëkatet njëkohësisht, njeriu në tërësinë e tij – trup e shpirt – i afrohet Perëndisë. Besimtarët janë nxitur me urimin "Kreshmë të mbarë!"
Siç kishte raportuar UGO, E diela e tretë e Kreshmës, Kryepeshkop Joani: Sot, Kisha ka nderimin e Kryqit u shënua me fjalën e Kryepeshkopit Joani rreth kuptimit shpirtëror të kryqit në jetën e krishterë.
