Pentikostia u kremtua në Mitropolinë e Beratit
Liturgjia Hyjnore u kryesua nga Mitropoliti i Beratit, Vlorës dhe Kaninës, Hirësia e Tij Imzot Asti.
Në Mitropolinë e Shenjtë të Beratit u kremtua e diela e Pentikostisë, një nga të kremtet më të mëdha të Kishës Orthodhokse.
Liturgjia Hyjnore u kryesua nga Mitropoliti i Beratit, Vlorës dhe Kaninës, Hirësia e Tij Imzot Asti, me pjesëmarrjen e klerikëve dhe besimtarëve.
Pentikostia kremtohet pesëdhjetë ditë pas Pashkës dhe kujton zbritjen e Shpirtit të Shenjtë mbi Apostujt. Me këtë ngjarje, Kisha shpall fillimin e misionit apostolik dhe dëshminë e Ungjillit në botë.
Gjatë kësaj dite, besimtarët luten që Shpirti i Shenjtë të ndriçojë, të forcojë dhe të udhëheqë jetën e tyre në besim, dashuri dhe pendim.
E kremtja e Pentikostisë i kujton çdo të krishteri se Kisha jeton dhe vepron me hirin e Shpirtit të Shenjtë, i Cili bashkon besimtarët me Krishtin dhe i drejton drejt Mbretërisë së Perëndisë.
Burimi: Mitropolia e Shenjtë e Beratit
Kremtimi i Pentikostisë në Mitropolinë e Shenjtë të Beratit. Foto nga Katedralja Orthodhokse "Shën Dhimitri", Berat
