Radio Ngjallja hyn në platformën ndërkombëtare Logos Cinema

Radio Ngjallja hyn në platformën ndërkombëtare Logos Cinema, ku janë përzgjedhur disa nga dokumentarët e prodhuar prej saj. Sipas Radio Ngjallja, ky bashkëpunim shënon një moment të veçantë për median e Kishës Orthodhokse në Shqipëri.

Tashmë, prodhimet e Radio Ngjallja do të jenë të pranishme krahas përmbajtjeve të mediave ndërkombëtare si "Ancient Faith Radio", "Trisagion Films" dhe "The Symbolic World". Në qendër të bashkëpunimit është cikli i dokumentarëve “Persekutimi i Klerit Orthodhoks gjatë Periudhës Komuniste”, që sjell në vëmendje një prej periudhave më të dhimbshme të historisë së Kishës Orthodhokse në Shqipëri. Përmes dëshmive të klerikëve që përjetuan përndjekjen, dokumentarët synojnë të ruajnë kujtesën historike dhe t’ua përcjellin brezave të rinj sakrificën dhe besnikërinë ndaj Krishtit të atyre që vuajtën gjatë regjimit ateist.

Prania e këtyre prodhimeve në Logos Cinema i jep historisë së Kishës Orthodhokse të Shqipërisë një mundësi të re për t’u dëgjuar dhe parë nga një audiencë ndërkombëtare shumë më e gjerë. Sipas materialit, ky bashkëpunim është një mundësi për të ndarë me botën dëshminë e Kishës Orthodhokse në Shqipëri, historinë e martirizimit dhe qëndresës së saj, si edhe pasurinë shpirtërore e kulturore të traditës shekullore. Cikli i dokumentarëve tashmë mund të ndiqet drejtpërdrejt në platformën Logos Cinema.

UGO kishte raportuar mbi

pak kohë më parë, temë që lidhet ngushtë me periudhën e persekutimit të kujtuar tani edhe në platformën ndërkombëtare. Radio Ngjallja, me bekimin e Kryepeshkopit Joan, vijon punën për të dokumentuar, dëshmuar dhe përcjellë zërin e Kishës Orthodhokse Autoqefale të Shqipërisë brenda dhe jashtë vendit.

Lexo gjithashtu