Greqi: regjistrohen 374 incidente ndaj vendeve të kultit të krishterë
Prej tyre, 362 raste lidhen me Kishën Ortodokse, ndërsa të dhënat e Ministrisë së Arsimit përfshijnë vjedhje, vandalizëm dhe përdhosje.
Gjithsej 374 incidente ndaj vendeve të kultit të krishterë u regjistruan në Greqi gjatë vitit 2025, ndërsa shumica dërrmuese e tyre lidhen me Kishën Ortodokse. Sipas të dhënave të publikuara nga Departamenti i Lirive Fetare dhe Marrëdhënieve Ndërfetare pranë Sekretariatit të Përgjithshëm të Feve të Ministrisë së Arsimit, janë regjistruar gjithsej 386 incidente ndaj vendeve me rëndësi fetare.
Nga ky total, 374 raste kanë të bëjnë me krishterimin. Në 362 raste është prekur Kisha Ortodokse, kurse shtatë raste janë regjistruar ndaj Të Krishterëve Ortodoksë Autentikë siç vetëquhen ata që ndjekin kalendarin e vjetër.
Incidentet përfshijnë vjedhje, vandalizëm, përdhosje të vendeve të shenjta, shkatërrim të varreve dhe profanizime të tjera.
Raporti përmban gjithashtu të dhëna për shpërndarjen gjeografike të rasteve sipas rajoneve, si dhe për çështjet që janë zbardhur ose kanë mbetur pa autor.
Më parë, EOD kishte raportuar se Mitropolia e Ksanthit dënoi përdhosjen e ikonës së Shën Gjergjit.
