Mitropoliti Nikolla takoi stafet e kampeve të Kishës në Elbasan
Në takim u bë përmbledhje e kampeve të verës dhe u diskutuan propozime për organizimin e kampeve të vitit të ardhshëm.
Kisha Orthodhokse Autoqefale të Shqipërisë zhvilloi më 24 Tetor 2026 një takim me drejtuesit dhe stafet e kampeve me kohë të plotë, të organizuara gjatë kësaj vere. Sipas materialit që mbërriti në redaksi, takimi u mbajt në Manastirin e Shën Joan Vladimirit.
Kampet ishin organizuar në Manastirin "Fjetja e Hyjlindëses" në Zvërnec, në Manastirin e Shën Joan Vladimirit në Elbasan, në Manastirin "Fjetja e Hyjlindëses" në Boboshticë dhe në Manastirin e Shën Prodhromit në Voskopojë. Takimin e drejtoi Mitropoliti i Apollonisë dhe Fierit, Imzot Nikolla.
Imzot Nikolla falenderoi drejtuesit e kampeve dhe bashkëpunëtorët e tyre për angazhimin dhe devotshmërinë që treguan gjatë zhvillimit të kampeve. Ai i inkurajoi të vazhdojnë të shërbejnë në kampet e Kishës me zell dhe dashuri, duke dhënë më të mirën e tyre.
Nga ana e drejtuesve të kampeve u bë një përmbledhje e zhvillimit të tyre, e risive, e arritjeve dhe e sfidave të përballuara gjatë verës.
Pjesëmarrësit diskutuan çështje të ndryshme që lidhen me organizimin dhe mbarëvajtjen e kampeve. Në takim u dhanë edhe ide dhe propozime të reja për organizimin e kampeve për vitin e ardhshëm.
Siç kishte raportuar UGO, Kryepiskopi Joan takoi drejtuesit e kampeve verore të Kishës, në një takim të ngjashëm me ata që kujdesen për këto aktivitete.
