Patriarku Ekumenik dhe Kryepeshkopi Joan kremtuan Fjetjen e Hyjlindëses në Imbros
Liturgjia, procesioni i ikonës dhe Mbrëmësorja e së kremtes u zhvilluan në Agridhia dhe Glyki, me pjesëmarrjen e besimtarëve dhe klerikëve.
Imbros ishte qendra e kremtimeve për festën e Fjetjes së Hyjlindëses Mari, ku morën pjesë Patriarku Ekumenik Vartholomeu dhe Kryepeshkopi i Shqipërisë z. Joan. Sipas materialit të dërguar në redaksi, shërbesat dhe veprimtaritë festive u zhvilluan në disa pika të ishullit.
Liturgjia Hyjnore u kremtua në Kishën e Ungjillëzimit në fshatin Agridhia, ku Patriarku Ekumenik bashkëmeshoi me Kryepeshkopin Joan, i shoqëruar nga hierarkë të Patriarkanës Ekumenike. Pas shërbesës u zhvillua procesioni i daljes së ikonës së Hyjlindëses në rrugët e fshatit, ndërsa në shesh u organizua një pritje tradicionale imvriote.
Në mbrëmje, Patriarku Ekumenik mori pjesë edhe në Mbrëmësoren e së kremtes në fshatin Gliki. Shërbesa atje u kryesua nga Kryepeshkopi i Shqipërisë z. Joan.
Kremtimet në Imbros u shoqëruan me pjesëmarrjen e besimtarëve, klerikëve dhe miqve të ishullit, duke i dhënë festës një karakter të gjerë kishtar. Në material theksohet përmasat shpirtërore të kremtes dhe pjesëmarrja e shumtë në veprimtaritë liturgjike.
UGO kishte raportuar mbi kremtimet e Kryepiskopit Joan në Imbros pak më parë.
