Patriarkët e Jerusalemit vizitojnë Gaza për herë të dytë brenda një viti
Patriarku Theofil III dhe kardinali Pizzaballa u takuan me klerikë, familje të krishtera dhe persona të prekur nga kriza humanitare në vazhdim në Gaza.
Vizita baritore e dytë e përbashkët e Patriarkut të Jerusalemit, z. z. Theofil III, dhe Patriarkut Latin të Jerusalemit, kardinalit Pierbattista Pizzaballa, po zhvillohet në Gaza brenda më pak se një viti. Sipas njoftimit të përbashkët të Patriarkanës së Jerusalemit dhe Patriarkanës Latine, vizita kryhet në kuadër të përgjegjësisë kishtare ndaj bashkësive vendore dhe ndaj gjithë popullsisë së Gazës.
Së bashku me dy Patriarkët ndodhen edhe dr. Josef D. Blotz dhe përfaqësues të Malteser International. Njoftimi zyrtar thekson se prania e tyre përcjell "lutjen e Jerusalemit te besimtarët e sprovuar të Gazës dhe te të gjithë ata që vuajnë", si shërbesë ngushëllimi, mëshire dhe dëshmie të krishterë. Popullsia e Gazës vazhdon të përballet me vuajtje të rënda humanitare, frikë, humbje dhe pasiguri.
Gjatë qëndrimit të tyre, dy Patriarkët pritet të takohen me klerikë, përfaqësues të komuniteteve fetare, familje të krishtera dhe persona të prekur drejtpërsëdrejti nga kriza humanitare në vazhdim.
[[read_also:???]]
Pjesëmarrja e përfaqësuesve të Urdhrit Sovran Ushtarak të Maltës dhe të Malteser International, sipas njoftimit, pasqyron angazhimin e vazhdueshëm të shërbimit humanitar fetar në kujdesin shëndetësor, ndihmën për popullsinë dhe mbrojtjen e dinjitetit njerëzor në Gaza.
Kjo është vizita e dytë e këtij lloji brenda një viti. Vizita e parë e përbashkët baritore e dy Patriarkëve në Gazën në luftë kishte ndodhur më 18 korrik 2025, duke e cilësuar atë si detyrë të shenjtë. Pas 21 muajsh armiqësish dhe bllokade në Rripin e Gazës, ata kishin qenë ndër të parët që arritën të hynin në zonën e konfliktit dhe të shihnin nga afër gjendjen e grigjave të tyre.
Nuk është hera e parë që Kishat e Jerusalemit janë në qendër të vëmendjes për praninë e tyre fizike në zonat e krizës; kohët e fundit vëmendja ra mbi [[read_also:???]]
