Fronëzimi i Kryepiskopit të ri të Kishës Autoqefale të Shqipërisë

Më 29 mars 2025, në katedralen ‘’Ngjallja e Krishtit’’ në Tiranë, u zhvillua fronëzimi zyrtar i Kryepiskopit të ri të Kishës Autoqefale të Shqipërisë, Kryepiskopit Joan (Pelushi).

Në ceremoni morën pjesë delegacione të Kishave Autoqefale dhe Lokale Orthodhokse, si dhe përfaqësues zyrtarë të qeverive të Shqipërisë, Greqisë dhe vendeve të tjera.

Mitropoliti i Apolonisë dhe Fierit, z. Nikolla, duke folur në emër të Sinodit të Shenjtë, theksoi se Kryepiskopi Joan do të vazhdojë të "ruajë harmoninë fetare dhe bashkëjetesën", ashtu si paraardhësi i tij Anastasi, i cili ringjalli kishën e vendit pas rënies së komunizmit.

"Kisha Orthodhokse Autoqefale e Shqipërisë dëshiron të jetojë në paqe me të gjithë", deklaroi Kryepiskopi i sapozgjedhur, duke shtuar se bashkëjetesa fetare duhet të "mbrohet dhe të pasurohet edhe më tej".
Presidenti i Shqipërisë, Bajram Begaj, deklaroi se ceremonia mbart një mesazh "që tejkalon kufijtë e besimit dhe i fton të gjithë qytetarët me vullnet të mirë të ndërtojnë një shoqëri më të drejtë, më të përulur, më të bashkuar dhe vëllazërore".
Në mesazhin e tij të parë, Kryepeshkopi Joani, premtoi ruajtjen e traditës së Shenjtë dhe theksoi rëndësinë e forcimit të unitetit brenda Kishës.

“Falënderojmë martirët e lirisë që përhapën dritën e besimit. Diktatura shkatërroi muret e jashtme të kishave, por nuk mundi të shkatërrojë zemrat e besimit.’’

Më 16 mars 2025 në Tiranë u zhvillua mbledhja e Sinodit të Shenjtë të Kishës Orthodhokse Shqiptare, gjatë së cilës u zgjodh Kryepiskopi i ri i Tiranës, Durrësit dhe gjithë Shqipërisë.

Pas votimit, në këtë post u zgjodh Mitropoliti i Korçës Joan (Pelushi).

Kryepiskopi Joan u bë kryepiskopi i dytë i Kishës Ortodokse Autoqefale të Shqipërisë pas rënies së regjimit komunist.