Mitropoliti Nathanail meshoi në Kishën e Shën Parashqevinë në Kostar të Finiqit

Mitropoliti i Gjirokastrës, Nathanail, kremtoi sot Shërbesën e Shenjtë të Mëngjesores dhe Liturgjinë Hyjnore në kishën e Shën Parashqevisë, në fshatin Kostar të Finiqit. Sipas njoftimit të Mitropolisë së Shenjtë të Gjirokastrës, kremtimi u zhvillua në kuadër të festës së kësaj shenjtoreje.

Në predikimin e tij, Mitropoliti Nathanail foli për jetën e shenjtë të Shën Parashqevisë, duke theksuar qëndrueshmërinë e saj në besim dhe dashurinë e palëkundur ndaj Krishtit. Ai e paraqiti figurën e shenjtores si shembull frymëzues për çdo të krishterë që dëshiron të jetojë sipas Ungjillit. Në përfundim të shërbesës, Mitropoliti uroi të pranishmit që Shën Parashqevia të ndërmjetësojë vazhdimisht pranë Zotit, duke u dhuruar shëndet, paqe dhe forcë shpirtërore.

Predikimi u shoqërua me lutje të përbashkëta të besimtarëve të pranishëm në kishë, të cilët morën pjesë në gjithë shërbesën liturgjike të drejtuar nga Mitropoliti. Kremtimi u zhvillua në një atmosferë përkushtimi shpirtëror, tipike për festat e shenjtorëve në rajonin e Finiqit.

Nuk është hera e parë që Mitropoliti Nathanail viziton famullitë e rajonit të Finiqit për kremtime fetare; kohët e fundit ai kishte kremtuar edhe festën e Shën Marinës në fshatin Kullurica të Finiqit.

Lexo gjithashtu