Mitropolia e Gjirokastrës mbyll kampet verore për fëmijë në Glikomil

Kampet Verore të Mitropolisë së Gjirokastrës u zhvilluan edhe këtë vit në fshatin Glikomil të Dropullit, me bekimin e Mitropolitit Nathanail. Sipas informacionit të publikuar nga Mitropolia e Gjirokastrës, aktiviteti u organizua në dy periudha të veçanta, një javë për vajzat dhe një javë për djemtë, duke mbledhur rreth 50 fëmijë nga famullitë e ndryshme të eparkisë.

Tema qendrore e kampit ishte "Pavli – Apostulli i Kombeve", nëpërmjet së cilës fëmijët u njohën më nga afër me jetën, veprën dhe misionin e Apostullit Pavëll. Përveç programit shpirtëror, ditët u pasuruan me lojëra, sporte, aktivitete krijuese dhe këngë, që krijuan një atmosferë familjare mes pjesëmarrësve. Organizatorët theksuan se qëllimi ishte që fëmijët të përjetojnë dashurinë e Krishtit përmes bashkësisë dhe miqësisë.

Kleri i Mitropolisë shprehu shpresën se farat e besimit të mbjella gjatë këtyre ditëve do të japin fryte të bollshme në zemrat e fëmijëve. Shembulli i Apostull Pavlit synohet t'i frymëzojë të vegjëlit të ecin gjithmonë në rrugën e Krishtit. Kampi konsiderohet një traditë e konsoliduar e Mitropolisë së Gjirokastrës, që përsëritet çdo verë me pjesëmarrjen e famullive të ndryshme nga i gjithë rajoni.

Mitropolia e Shenjtë e Gjirokastrës kishte qenë në qendër të vëmendjes edhe më parë, kur

u zhvillua në kuadër të marrëdhënieve me pushtetin vendor të Dropullit.

Foto nga Mitropolia e Hirshme e Gjirokastrës

Lexo gjithashtu