Mitropoliti i Gjirokastrës drejtoi Liturgjinë për Anargjendët e Shenjtë

Në kremten e Anargjendëve të Shenjtë, Kozma dhe Damian, Mitropoliti i Gjirokastrës, z. Nathanail, drejtoi Shërbesat e Shenjta të Mëngjesores dhe të Liturgjisë Hyjnore. Sipas Mitropolisë së Hirshme të Gjirokastrës, kremtimi u zhvillua në kishën e kushtuar këtyre shenjtorëve, në fshatin Grazhdan të Bashkisë së Finiqit.

Në ceremoni bashkëmeshuan klerikë të Mitropolisë, ndërsa morën pjesë shumë besimtarë nga fshati dhe zonat përreth. Ata u mblodhën për të nderuar kujtimin e dy mjekëve të shenjtë dhe çudibërësve, që me jetën dhe veprën e tyre dëshmuan fuqinë shëruese të hirit të Perëndisë. Anargjendët Kozma dhe Damian ushtruan mjekësinë si një shërbesë të shenjtë, pa pranuar kurrë shpërblim për shërimet që kryenin, prandaj Kisha i nderon me këtë emër.

Në fjalën e tij, Mitropoliti Nathanail iu referua jetës së Shenjtorëve, duke theksuar se ata mbeten një model i përhershëm për çdo të krishterë. Ai nënvizoi se shenjtëria nuk është një thirrje e rezervuar për pak njerëz, por udha në të cilën ftohet të ecë çdo besimtar përmes besimit të gjallë, dashurisë ndaj Perëndisë dhe shërbimit të sinqertë ndaj të afërmit.

Duke u ndalur në mesazhin e Ungjillit, Mitropoliti theksoi se bota e sotme ka nevojë për njerëz që jetojnë me frymën e Anargjendëve, njerëz që nuk kërkojnë përfitimin e tyre, por vendosin dashurinë, mëshirën dhe sakrificën në qendër të jetës. Vetëm në këtë mënyrë njeriu bëhet dëshmitar i Krishtit dhe bashkëpunëtor i veprës së Tij shpëtimtare në botë.

Nuk është hera e parë që Mitropolia e Gjirokastrës gjendet në qendër të vëmendjes për ngjarje kishtare; kohët e fundit vëmendja ra edhe mbi

Lexo gjithashtu