Kryepiskopi Joan kreu Liturgjinë për përkujtimoren vjetore të Mitropolitit Dhimitër

Nga përkujtimorja për Hirësi Dhimitrin-Foto KOASH

Më 28 qershor 2025, Kisha Orthodhokse e Shqipërisë kujtoi një vjetorin e fjetjes në Zotin të Mitropolitit të Gjirokastrës, Hirësi Dhimitrit. Sipas burimeve zyrtare të Kishës, Liturgjia Hyjnore dhe Shërbesa e Përkujtimores u kryen në Katedralen e Ngjalljes së Krishtit në Gjirokastër, nën drejtimin e Kryepiskopit të Tiranës, Durrësit dhe të Gjithë Shqipërisë, Joani.

Bashkë me Kryepiskopin meshuan anëtarë të Sinodit të Shenjtë: Mitropoliti i Fierit Hirësi Nikolla, Mitropoliti i Gjirokastrës Hirësi Nathanaili, Mitropoliti i Beratit Hirësi Asti, Mitropoliti i Korçës Hirësi Anastasi, si dhe Episkopi i Amantias, Hirësi Ignati. Klerikë nga të gjitha Mitropolitë e vendit morën gjithashtu pjesë në shërbim. Mijëra besimtarë u mblodhën për të lutur dhe nderuar kujtimin e Hirësi Dhimitrit.

Pas Shërbesës, Kryepiskopi Joan mbajti fjalën e tij, duke theksuar se kujtimi i një hierarku të fjetur është "akt besimi, shprese dhe falënderimi". Në fjalimin e tij, Kryepiskopi përmendi kontributin e Mitropolitit Dhimitër si bashkëmeshues dhe bari, si anëtar besnik i trupit sinodal dhe si njeri që dha ndihmesën e tij për qëndrueshmërinë dhe unitetin shpirtëror të Kishës.

Kryepiskopi Joan nënvizoi veçanërisht se rindërtimi i Kishës Shqiptare pas persekutimit ateist "nuk u bë me fjalë të mëdha, por me besim, me lot, me sakrifica dhe me punë të palodhur". Ai shprehu mirënjohje të veçantë ndaj Kryepiskopit të ndjerë Anastas, si arkitekti kryesor i kësaj ringjalljeje institucionale, duke vënë në dukje që Mitropoliti Dhimitër qëndroi brenda kësaj rruge si shok dhe bashkëpunëtor besnik. Mitropoliti i Gjirokastrës, Hirësi Nathanaili, nga ana e tij falënderoi Kryepiskopin, anëtarët e Sinodit dhe besimtarët, duke ndarë kujtimet e tij personale me Hirësi Dhimitrin. Shërbesa e dytë e Përkujtimores u zhvillua në Terihat, ku prehet trupi i Mitropolitit të ndjerë, dhe u drejtua nga Mitropoliti i Korçës, Hirësi Anastasi.

Nuk është hera e parë që Kisha Shqiptare nderon me përzemërsi kujtimet e hierarkëve të saj; kohët e fundit vëmendja ra mbi

Lexo gjithashtu