Kisha e të gjithë Shenjorëve në Gjirokastër hap dyert e saj

Kisha e Gjithë Shenjorëvenë Gjirokastër do të hapë zyrtarisht dyert e saj të dielën, më 7 qershor 2026, me fillim liturgjie në orën 07:30 të mëngjesit. Sipas ftesës zyrtare të Mitropolisë së Gjirokastrës, ceremonia e thiraniksive – hapjes dhe bekimit të kishës së re – do të kryesohet nga Mitropoliti i Gjirokastrës Nathanail.

Thiraniksia është një ceremoni ortodokse që shënon hapjen dhe shenjtërimin solemn të një tempulli të ri. Besimtarëve u është drejtuar një ftesë e veçantë nga Mitropolia, e cila thekson se pjesëmarrja e të gjithëve do të jetë shprehje e mbështetjes konkrete ndaj veprës së Kishës.

Ngjarja konsiderohet si një moment me rëndësi të veçantë jo vetëm për komunitetin lokal, por edhe për jetën ortodokse në rajonin e Gjirokastrës. Mitropolia e Gjirokastrës u bën thirrje besimtarëve që të bashkohen në këtë ditë me besim dhe unitet.

Nuk është hera e parë që Gjirokastra zë vend qendror në lajmet kishtare; kohët e fundit vëmendja ra mbi vendimin e Kishës Orthodhokse lidhur me shkollën "Kryqi i Nderuar" në këtë qytet.

Lexo gjithashtu