Famullia Shën Sofia në Pensilvani "djeg" hipotekimin në 45-vjetorin

Kisha Ortodokse Greke "Shën Sofia" në Jeffersonville të Pensilvanisë festoi 45-vjetorin e famullisë dhe shlyerjen e hipotekës. Sipas Cosmos Philly, rreth 400 vetë u mblodhën të shtunën, më 26 shtator, për të nderuar brezat e besimtarëve që ndihmuan me mbledhjen e fondeve, punën vullnetare dhe sakrificat e tyre.

Ceremonia e djegies së hipotekës u zhvillua në Qendrën Kulturore "Fr. John A. Limberakis". Në të mori pjesë presidenti i Këshillit të Famullisë, Archon John Pogas, së bashku me At Konstantinos Loukas, ish-famullitarin At Peter Thornberg dhe drejtues të famullisë. Kur hipoteka u vu në flakë, të pranishmit i përgjigjën me brohoritje dhe duartrokitje.

Gala përfshiu himnet kombëtare të Greqisë dhe të Shteteve të Bashkuara, lutjen, darkën, një prezantim me video dhe fjalime nga përfaqësues të famullisë. Archon Thomas Cox drejtoi mbrëmjen dhe kryesoi Komitetin e Djegies së Hipotekës (Grupi vullnetar, krijuar nga besimtarë të cilët pasi realizon shlyerjen e detyrimeve ekonomike, një huaje të kishës, në mënyrë simbolike djegin, në mënyrë simbolike, dokumentin e obligacionit në një ceremoni) . Georgiana Kane foli në emër të Filoptohos (Arkës së Bamirësisë), ndërsa Dean Laskaris përfaqësoi Komitetin e Ndërtimit.

At Thornberg, që shërbeu në famulli gjatë ndërtimit të kishës aktuale, u nderua gjatë mbrëmjes dhe foli për vitet e tij në Shën Sofia. Tani ai është prift kryesues i kishës ortodokse greke "Shën Gjergji" në Bethesda të Merilendit. Edhe At Loukas, që u bë famullitar i Shën Sofisë në tetor 2025, mbajti fjalë baritore.

Famullia pagoi këstin e fundit të hipotekës në qershor, përpara objektivit për mbledhjen e fondeve që kishte caktuar për 4 korrik. Tani ajo synon shenjtërimin e kishës në stil bizantin, të planifikuar për vitin 2027.

Jeta kishtare ortodokse në Amerikë ka qenë në fokus të UGO-s edhe më parë, kur Mitropolia e Amerikës përgatiti ndihma për Kolumbinë.

Lexo gjithashtu