Mitropoliti kremton Liturgjinë në Sarandë para Lartësimit të Kryqit

Mitropolia e Gjirokastrës , Liturgjia Hyjnore u drejtua nga vetë Mitropoliti i Gjirokastrës, z.z. Nathanail, me pjesëmarrjen e klerit dhe të besimtarëve të qytetit.

Në predikimin e tij, Mitropoliti theksoi se Kryqi është lavdia e Kishës dhe fuqia e besimtarit. Ai u shpreh se nëpërmjet Kryqit, Krishti e shndërroi vdekjen në jetë dhe pësimin në lavdi. Duke iu afruar festës së Lartësimit të Kryqit të Nderuar dhe Jetëdhënës, Kisha fton besimtarët të mos kenë frikë nga kryqi i jetës, por ta mbajnë atë me besim, durim dhe shpresë, duke pasur si shembull vetë Zotin Jisu Krisht.

Kremtimi u zhvillua në një atmosferë madhështore, me pjesëmarrje të gjerë të besimtarëve të qytetit të Sarandës, duke shënuar kështu një moment të rëndësishëm shpirtëror në përgatitje për festën e Lartësimit të Kryqit të Nderuar.

Nuk është hera e parë që Mitropolia e Gjirokastrës organizon kremtime të mëdha fetare në rajon; kohët e fundit vëmendja ra edhe mbi kremtimin e martirëve Kirik dhe Julita në Dropull, ku Mitropoliti gjithashtu drejtoi Liturgjinë Hyjnore me pjesëmarrjen e besimtarëve vendas.

 Foto Mitropolia e Hirshme e Gjirokastrës:

Lexo gjithashtu