Mitropoliti Nathanail merr pjesë në kremtimet e Shën Joanit të Rilës

Gjatë meshës Arkieratike mbajtur në Shën Joani i Rilës

Mitropoliti i Gjirokastrës, Nathanail, mori pjesë në kremtimet e shenjta kushtuar kujtimit të Shën Joanit të Rilës, në Manastirin e Shenjtin në Rila të Bullgarisë. Sipas faqes zyrtare në Facebook të Mitropolisë së Hirshme të Gjirokastrës, ftesa për pjesëmarrje i erdhi nga Episkopi i Adrianopolit, z. Evlogjio, Igumen i Manastirit të Shenjtë të Shën Joanit të Rilës.

Mbrëmjen e 17 gushtit, Mitropoliti Nathanail drejtoi Agripninë e Shenjtë, duke kryesuar shërbesat e Mbrëmësores dhe të Mëngjesores. Të nesërmen, më 18 gusht, ai bashkëmeshoi me Patriarkun e Bullgarisë, z. Daniel, si dhe me hierarkë të tjerë të Kishës Orthodhokse të Bullgarisë, duke u bërë pjesëmarrës në gëzimin e kësaj feste të shenjtë.

Në fjalën e tij gjatë kremtimit, Mitropoliti Nathanail shprehu falënderime të përzemërta ndaj Patriarkut Daniel dhe ndaj Igumenit Evlogjio për ftesën, mikpritjen dhe dashurinë vëllazërore të treguar, duke theksuar rëndësinë e bashkimit në Krishtin dhe të lidhjeve vëllazërore mes Kishave Orthodhokse. Kremtimet u zhvilluan me madhështi dhe përkushtim shpirtëror, nën hijen e lutjeve dhe ndërmjetimeve të Shën Joanit të Rilës, i cili mbetet një nga shtyllat e shenjtërisë dhe të jetës asketike të popullit besimtar bullgar.

Nuk është hera e parë që hierarkë ortodhoksë marrin pjesë në pelegrinazhe drejt Manastirit të Rilës; kohët e fundit vëmendja ra edhe mbi një pelegrinazh të ngjashëm të vetë Patriarkut Daniel drejt këtij vendi të shenjtë.

Lexo gjithashtu