Fanari: nënshkruhet Sigilioni i Kanonizimit të Shën Amfilokiut të Patmosit

Kanonizimi (rënditja ndër shënjtorët) i Oshënarit Amfiloki Makri të Patmosit mori vulën e plotë zyrtare: Patriarku Ekumenik Vartholomeu nënshkroi Sigilionin (Dokumentin Zyrtar) Patriarkal të Shenjëtërimit në selinë e Fanarit, në një atmosferë gëzimi shpirtëror. Sipas EEOD, në ceremoninë e nënshkrimit mori pjesë edhe Kryeabateshë e Manastirit të Shën të Lajmëruarit të Hyjit (Evangjelismos) të Patmosit, Monahia Hristonymfi.

Manastiri i Evangjelismoit të Patmosit e nderonte tashmë kujtimin e Oshënar Amfilokit dhe shërbente si qendër e trashëgimisë shpirtërore të tij. Sinodhi i Shenjtë i Patriarkanës Ekumenike të Konstantinopojës kishte vendosur zyrtarisht shenjëtërimin e Gerond Amfiloki Makri në datën 29 gusht 2018. Nënshkrimi i fundit i Sigilionit vjen për të mbyllur dhe për t'i dhënë gjithë peshën zyrtare atij vendimi historik për Kishën Ortodokse.

Ceremonia e nënshkrimit u zhvillua në klimë solemnë në Fanar, duke theksuar rëndësinë e Oshënar Amfiloki Makri si figurë shpirtërore me ndikim të gjerë në botën ortodokse. Manastiri i Patmosit, i lidhur ngushtë me kujtimin e tij, mbetet sot qendra kryesore ku ruhet dhe transmetohet kjo trashëgimi e gjallë fetare.

Nuk është hera e parë që Patriarkana Ekumenike shenjëtëron një figurë të shquar fetare të kohëve moderne; kohët e fundit vëmendja kishte rënë mbi kanonizimin e figurave të tjera të rëndësishme orthodokse, siç kishte raportuar UGO lidhur me rastin e jeromonakut Serafim Rouz.

Lexo gjithashtu