Liturgji Hyjnore në Malavec bashkoi klerikë nga Korça dhe Siatista

Liturgjia Hyjnore u kremtua në kishën e Shën Stefanit në Malavec të Korçës, duke mbledhur rreth altarit klerikë dhe besimtarë nga dy bashkësi kishtare fqinje. Sipas të dhënave të redaksisë, shërbesa u drejtua nga Hirësia e Tij, Imzot Anastasi, Mitropolit i Korçës.

Në meshë morën pjesë klerikë nga Mitropolia e Korçës dhe Mitropolia e Siatistës, si edhe besimtarë të shumtë nga të dyja bashkësitë kishtare. Ndër të pranishmit ishte edhe At Stefani (Στέφανος Ρήνος), igumen në Driovouno dhe arkimandrit i Fronit Ekumenik të Patriarkanës Ekumenike.

At Stefani njihet gjerësisht për kontributin e tij shpirtëror dhe material në forcimin e marrëdhënies vëllazërore mes dy komuniteteve. Manastiri që ai drejton ka dhuruar vetë kishën e Shën Stefanit në Malavec, ku famulltar shërben At Andrea Zhurka, me prejardhje nga ky fshat.

Kisha e Shën Stefanit në Malavec mbetet simbol i gjallë i lidhjes ndërkishtare mes shqiptarëve dhe grekëve orthodhoks. Me urtësinë, fjalën dhe veprën e tij, At Stefani ka frymëzuar vazhdimisht jetën shpirtërore të komunitetit dhe mban një vend të veçantë si në zemrat e klerikëve, ashtu edhe të besimtarëve të thjeshtë të të dy Mitropolive.

Nuk është hera e parë që Mitropolia e Korçës shquhet për bashkëpunim kishtar me kisha dhe komunitete të huaj; kohët e fundit vëmendja ra mbi

Lexo gjithashtu