Mitropoliti i Ptolemaidës arrestohet në Athinë për cenim të dinjitetit seksual

Patriarkana e Aleksandrisë u gjend në qendër të një skandali të rëndë pasi Mitropoliti Panteleimon Arathimos i Ptolemaidës u arrestua në kryeqytetin grek. Sipas medieve greke, ngjarja ndodhi në lagjen Petralona të Athinës dhe u bë e ditur gjerësisht pas reagimit të policisë.

Rreth orës 13:00, efektivë të njësisë motorike DIAS konstatuan mitropolitin 52-vjeçar me sjellje që tërhoqi vëmendjen e kalimtarëve. Ai u shoqërua menjëherë dhe u dërgua në Departamentin e Akropolit për Krime ndaj të Miturve dhe Lirisë Seksuale. Ndaj tij është hapur dosje penale për cenim të dinjitetit seksual në publik, ndërkohë që rasti mbetet ende në fazën e akuzave dhe raportimeve policore.

Panteleimon Arathimos ka një karrierë të gjatë brenda hierarkisë së Patriarkanës së Aleksandrisë. Në vitin 2012 u zgjodh Peshkop i Brazzaville dhe Gabonit, ndërsa në 2017 u ngrit në rangun e mitropolitit. Më 2024 u emërua Mitropolit i Ptolemaidës dhe Eksark i Egjiptit të Sipërm, duke vazhduar njëkohësisht shërbimin si Kryesekretar i Sinodit të Shenjtë të Patriarkanës.

Deri në momentin e publikimit të lajmit, as Zyra Patriarkale në Aleksandri dhe as Eksarkati i Athinës i Patriarkanës nuk kishin dhënë asnjë koment apo deklaratë zyrtare lidhur me arrestimin. Heshtja institucionale ka shtuar interesin publik dhe mediatik rreth rastit.

Nuk është hera e parë që figurat e larta klerikale bëhen objekt vëmendjes mediatike ndërkombëtare; kohët e fundit sytë e besimtarëve u drejtuan edhe drejt

Lexo gjithashtu