Mitropoliti i Korçës mori pjesë në kremtimin e Ngjitjes së Zotit në qiell në Mitropolinë e Shenjtë të Katerinës

Në Katerini u kremtua sot paradite me madhështi festa e Ngjitjes  (Analipsit) të Zotit, në Katedralen e Shenjtë që mban emrin e kësaj të kremteje.

Në shërbesat morën pjesë Mitropoliti titullar i Fanarit, Hirësia e Tij z. Agathangjel, Udhëheqësi i Përgjithshëm i Shërbimit Apostolik të Kishës së Greqisë, Mitropoliti i Korçës, Hirësia e Tij z. Anastas, si edhe Mitropoliti i Kitros, Hirësia e Tij z. Gjeorgji.

Kremtimi u zhvillua në prani të Kryetarit të Bashkisë së Katerinit, z. Joanis Dumos, përfaqësuesve të autoriteteve vendore dhe një numri të madh besimtarësh. Në të njëjtën ditë, Kisha nderoi edhe kujtimin e Shenjtorëve të mëdhenj Kostandin dhe Elena.

Mitropoliti i Kitros, Hirësia e Tij z. Gjeorgj, i cili kryesoi kremtimin, falënderoi arkierinjtë bashkëmeshues, priftërinjtë dhe dhjakonët, si edhe Kryetarin e Bashkisë dhe përfaqësuesit e autoriteteve vendore për praninë e tyre.

Në fund të shërbesës, ai uroi “shumë vite të bekuara” për të gjithë ata që kremtojnë në këtë ditë, për besimtarët e pranishëm, si edhe për përfaqësuesit e shoqatave të argjendarëve dhe të familjeve me shumë fëmijë, të cilët gjithashtu festojnë sot.

Mitropoliti falënderoi edhe stacionin televiziv “4E”, i cili transmetoi drejtpërdrejt Liturgjinë Hyjnore, duke u dhënë mundësi besimtarëve të shumtë ta ndiqnin kremtimin nga larg.

Prania e Mitropolitit të Korçës, Hirësisë së Tij z. Anastas, në këtë kremtim, shprehu edhe një herë lidhjet vëllazërore ndërmjet hierarkëve dhe Kishave Orthodhokse, në atmosferën festive të Analipsit të Zotit.

Lexo gjithashtu