Patriarkana e Antiokisë denoncon sulme kundër komunitetit të krishterë në Siri

FOTO:web

Ngjarjet shkaktuan zemërim të madh publik, me reagime që arritën deri në Damask, përpara selisë së Patriarkanës.

Patriarkana dënon ashpër këto veprime, duke i cilësuar si të papranueshme dhe duke theksuar se ato nuk mund të konsiderohen thjesht si “akte të izoluara”.

Ajo u bën thirrje autoriteteve kompetente që të ndërmarrin masa të menjëhershme dhe të rrepta kundër kujtdo që cenon paqen shoqërore, si dhe të mos neglizhojnë përsëritjen e incidenteve të tilla.

Patriarkana kërkon nisjen e një hetimi zyrtar që do të çojë në arrestimin dhe ndjekjen penale të personave të përfshirë, si dhe informimin zyrtar për rezultatet e këtij hetimi.

Gjithashtu kërkon dëmshpërblim për ata që kanë pësuar dëme materiale dhe marrjen e masave për të parandaluar përsëritjen e incidenteve të ngjashme, duke theksuar se shteti duhet të mbajë përgjegjësinë e plotë për ruajtjen e paqes shoqërore dhe kontrollin e armëve të paligjshme.

Patriarkana shpreh vlerësimin e saj për solidaritetin e besimtarëve dhe thekson rëndësinë e bashkëjetesës së popullit sirian në gjithë larminë e tij, si myslimanë ashtu edhe të krishterë.

Ajo rithekson se dinjiteti dhe shoqëria siriane duhet të bazohen në parimet e qytetarisë dhe bashkëjetesës, dhe jo në logjikën e shumicës dhe pakicës.

Në përfundim, duke cituar Patriarkun Joan X, thekson:
“Mjaft më me gjakderdhjen në Siri.”

Ndërkohë, në prag të Vuajtjeve të Shenjta të Krishtit, Patriarkana lutet që Zoti i Paqes të mbrojë këtë vend.

ΕΟΔ

Lexo gjithashtu