Kryepiskopi Sotiri i Kanadasë pritet të japë dorëheqjen pas 52 vitesh shërbim

Kryepiskopi Sotiri i Kanadasë pritet të paraqesë dorëheqjen e tij nga kreu i Kishës Ortodokse Greke në Kanada në fillim të muajit korrik. Sipas Ethnikos Kirikas, vetë Kryepiskopi e konfirmoi këtë informacion gjatë një vizite baritore në Vankuver.

Ai bëri të ditur se planifikon të udhëtojë të shtunën e parë të korrikut drejt Patriarkanës Ekumenike në Stamboll, ku do të diskutojë çështjen e dorëheqjes me Patriarkun Ekumenik Bartolome. Pas takimit, Kryepiskopi ka njoftuar se do të bëjë deklarata publike.

Kryepiskopi Sotir, emri i të cilit laik është Athanasoulas, ka festuar së fundi 90-vjetorin e lindjes në një veprimtari të organizuar nga diaspora greke në Kanada. Ai lindi më 19 shkurt 1936 në Lepiana të zonës së Artës, në Greqi.

Kryepiskopi ka kryer studimet e tij teologjike në Universitetin e Athinës, dhe ka marrë titull pasuniversitar në teologji nga Universiteti i Montrealit. Para shugurimit si hierark, ai shërbeu në Shkollën Teologjike të Kryqit të Shenjtë në Boston. U dorëzua dhjak më 17 korrik 1962 dhe prift ditën pasardhëse, më 18 korrik 1962.

Më 18 dhjetor 1973, gjatë kohës së Kryepiskopit Jakovos të Amerikës së Veriut dhe Jugut, Sotiri u zgjodh Peshkop i Konstantisë. Dorëzimi i tij ipeshkvnor u bë më 27 janar 1974 — dhe që atëherë, për mbi gjysmë shekulli, ai ka shërbyer pandërprerë në Kishën Ortodokse Greke në Kanada. Flet greqisht, anglisht dhe frëngjisht.

Nuk është hera e parë që figura të larta kishtare marrin vendime të rëndësishme pas dekadash shërbimi; kohët e fundit vëmendja u përqendrua edhe mbi

Lexo gjithashtu