Një Gjerond i shenjtë më thoshte:

Kur je i zemëruar, mos u përgjigj kurrë menjëherë.
Kur të bëjnë padrejtësi, mbaj pak heshtje.
Lëre kohën në duart e Perëndisë.
Kjo është më e pastër, më e urtë dhe më e mirë.

Ai që ka dashuri nuk e lufton tjetrin me urrejtje, por me durim.

Djalli e di ku të dhemb, që të të çojë në dëshpërim ose në zemërim. Sepse, vëllezër të dashur, kush nuk ka vuajtur me të vërtetë, nuk ka mësuar kurrë sa vlen ajo që quhet dashuri.

Ta dini se egoizmi dhe dashuria nuk mund të ecin bashkë.

Pendim do të thotë përulësi. Do të thotë përtëritje e shpirtit dhe pajtim me Perëndinë. Do të thotë liri nga e keqja.

Gjerondi im na thoshte se vetëm Perëndia mund t’i dhurojë njeriut zgjidhje.

Ai na mësoi të duam dhe të mos i lëndojmë njerëzit e tjerë. Na mësoi të jetojmë me të vërtetën dhe të urrejmë gënjeshtrën, padrejtësinë dhe hipokrizinë.

Është e vështirë të mësosh të luftosh me këto pasione dhe të mos pajtohesh me to. Por kjo është rruga e shpirtit.

Uroj që Shpirti i Shenjtë, të cilin do ta kremtojmë në këto ditë, të na tregojë rrugën e shpëtimit të shpirtit tonë.

Dhe lutuni edhe për mua, që të gjej shpëtimin e shpirtit tim.

Gjerond Neofiti, Kafsokalivia

Njeri je, mos u bëj përbindësh. Për këtë ta dha Perëndia gojën: jo që të kafshosh, por që të ngushëllosh me fjalët e tua.

Nëse do të tregosh se nuk të pëlqen të thuash fjalë të ndyra, atëherë mos i prano dhe mos i dëgjo ato.

Një fjalë e thënë me pakujdesi mund të sjellë trazim në familje të tëra, të shkatërrojë marrëdhënie dhe të fundosë jetë njerëzore në kaos.

Dëmi i shkaktuar në para mund të korrigjohet. Por një fjalë e pakujdesshme, që del nga goja jonë, nuk mund të merret më prapa.

I krishteri i vërtetë e studion vazhdimisht brenda zemrës së tij të vërtetën. Ai nuk e ndot gjuhën me gënjeshtër dhe nuk i bën keq të afërmit të tij, ashtu siç mëson Shkrimi i Shenjtë.

I krishteri i vërtetë bekon kur shahet. Ai nuk betohet, por thotë gjithmonë të vërtetën, sipas urdhrit të Zotit: po-ja të jetë po dhe jo-ja të jetë jo.

I krishteri i vërtetë e lëviz gjuhën për të lavdëruar Perëndinë. Ai gjunjëzohet, ngre duart dhe mendjen në lutje, dhe derdh lot pendimi e përulësie përpara Zotit.

Shën Joan Gojarti.

Stuhia është, do të kalojë.
Do të tërhiqet!

Kur qëndroni dhe e mbani
frontin me forcë, dhe nuk e humbni
guximin tuaj, gjithçka tërhiqet!

Si do që të jetë, kjo është
taktika e djallit:
të sulmojë, për të çarë frontin,
për të rrëzuar murrin dhe
për të shembur gjithçka që qëndron drejt.

Mbajeni murrin fort
dhe ai do të tërhiqet.

Shën Josifi Hesikasti

Kur përpiqeni të ndriçoni dikë, mos e verboni me të vërtetën tuaj – kaloni te dritat e ulëta.

Nëse takoni një person të keq, mëshironi ata. Ju duhet t'i duroni ato vetëm për pak kohë, ndërsa ata duhet të jetojnë me veten e tyre për një jetë.

Po, mund të jesh ateist. Por në ditët e sotme, ju duhet të vendosni se cilët patriarkë jeni ateist.

Ndonjëherë ulesh dhe mendon i dëshpëruar: Zot, pse e meritoj gjithë këtë?!

Dhe pastaj ju kujtohet pse.

Dhe ju mendoni atëherë: Epo, nuk është aq keq ...